من نحن


فكرة المدونة

تم انشاء مبادرة هشتغل أي حاجه وظفني حالا

أولا ليه الأسم ده هشتغل أي حاجه وظفني حالا؟؟


لاني فعلا لازم أشتغل أي حاجه لان القعده في البيت بعد التخرج ملهاش اي لازم وكده كده أنا الكسبان هكسب علي الأقل خبره وكمان هكسب فلوس وعلاقاتي طبيعي جدا هتزيد فكده كده أنا الكسبان ومن أول يوم في شغلي أبدأ ادور علي الوظيفة المناسبة ليه اللي في تخصصي واللي ممكن تيجي بعد شهر اوتنين او ثلاثه او عشره 
عرفتوا ليه بقي هشتغل اي حاجه ؟؟؟؟

المثال اللي لازم اقوله هنا عن الدكتور ابراهيم الفقي 
لما سافر كندا اشتغل حاجات كتير جدا تخيلوا اول حاجه اتعرضت عليه كان غسيل الاطباق وطبعا وافق لكن لو حد اتعرض عليه هنا طبعا مش هيوافق ودلوقتي شوفوا الدكتور ابراهيم الفقي بقي ايه بقي رائد التنمية البشرية مش علي مستوي العالم العربي ه علي مستوي العالم كله

طب فين الشغل ده؟

والله العظيم البلد دي مليانه شغل كتير جدا جدا جدا جدا بس للأسف الناس مش بتبحث وبتكسل عايزه الوظيفة تجلها لحد البيت وتخبط عليها وتقولهم هيت لك
البعض هيبدأ يقول أصل الشغل محتاج كمبيوتر ولغه وكمان لغه ومهارات 
طب نعمل ليه لسه هناخد في كورسات ونضيع وقت ؟؟؟؟؟؟؟؟؟؟؟؟

فكرة الصفحة دي جديدة وكمان مبدعة مش اتعملت قبل كده وطبعا دي العاده اننا علي طول شغلنا كله ابداع 

في 3 رسالات هبذل كل جهدي في سبيل تحقيقها ونجاحها

الرسالة الاولي : موجهه الي طلبة الجامعات
(4 سنوات دراسة تقدروا فيها تتعلموا اكثر من لغة وكمان هنعرض هنا في الصفحة شغل للطلبة هدفه ان الواحد يبدأ يصرف علي نفسه ويعتمد علي نفسه وكمان هدف تاني يتعلم خبره كبيره بحيث انه اول ما يتخرج ويحتك بسوق العمل يجد أفضل الوظائف متاحه له وفي مجال تخصصه)

الرسالة الثانية : موجهة الي الخريجين وليس لديهم أي خبرات ومهارات
(أفضل حاجه ممكن تعملوها بعد التخرج تاخدوا كورس متكامل في كذا حاجه 

الرسالة الثالثة : موجهة الي الخريجين ولديهم مهارات وخبرات
(لازم تشتغلوا اي حاجه لان ده هو اللي البداية انكم بعد كده تشتغلوا في اعلي الوظائف وفي تخصصكم )

أنا عملت الصفحة بجد عشان أساعد كل الفئات دي 
برجاء كل واحد يدخل الصفحة يعمل دعوة لكل أصدقائة 
لان هدفنا مش بس اللي بيبحثوا عن وظائف 

هدفنا زي ما قلنا الطلبة 
وكمان هدقنا الموظيقين لانهم لما يشوفوا اعلانات ووظائف ممكن ينقلوا الاعلانات دي لأقاربهم أحبابهم 
وبكده يبقي الكل شارك وساعد الكل مش أنا بس

كمان لما الكل يعمل شير ويعمل دعوة لأصحابة أكيد طبعا شارك معانا 

طيب زي ما قلنا هنا هتلاقوا كل الاعلانات اللي بتتعرض يوميا واسبوعيا في كافه الصحف والمجلات 

وكمان هيكون في اعلانات عن افضل أماكن التدريب والتأهيل في مصر

وكمان كل ملتقيات التوظيف في مصر 

وكمان هنعلن عن الاحداث والمؤتمرات اللي ليها علاقه بالمشروعات والبزنس

والكثير من المفاجات التي أعتقد أن الكل سيستفيد منها ولو بالقليل

شعارنا الكل هيشتغل وهيظبط حاله

كمان هنحاول نعلن عن كل المؤتمرات والملتقيات الشبابية التي من هدفها التطوير والابداع 
في كل مجال من مجالات الحياة 

كمان هنعلن عن الانشطة التطوعية وكل ما له علاقة بالعمل التطوعي 
لان ده لو واحد بدأ بيه من سن مبكر هتديله خبره كبيره جدا في حياته
واكيد طبعا هتغير حياه الواحد الي الافضل 
واسألوا المجربين 

رابط الصفحة