Jul 28, 2011

iTi 9-month Diploma - منحة وزارة الاتصالات وتكنولوجيا المعلومات



تم فتح باب التقديم فى منحة الاى تى اى لسنة 2011 الدفعة 32 
هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات iTi

 
ايه هو الهدف منها:
اعداد خريجين فى مجال تكنولوجيا المعلومات قادرين على المنافسة عالميا
يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة
يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم عليها

ايه هو شروطها:
-1 خريج احد الجامعات او المعاهد المصرية المعترف بيها كشهادة عليا وان يكون خريج اخر ثلاث سنوات 2009 – 2010 - 2011 وبالنسبة للشباب خريج 2008و دخلت جيش 3 سنين وفاتتك فرصة التقديم قدامك فرصة التقديم السنة دى 

-2 التقدير التراكمى لشهادة الكلية جيد على الاقل 

 - 3 تم تحديد موقف التجنيد بالنسبة للذكور
بالنسبة لمواليد (1: 6 ) نص اول ممكن يقدموا فى المنحة لان الارجاء يتم قبل بدء الدراسة وبكدة هتعرف تأجيل ولا هتخش قبل المنحة 
أما بالنسبة لمواليد (7 الى 12 ) نص تانى ممكن يقدموا فى حالة وجود سبب يمنعهم عن الجيش اما غير كدة يستعدوا للتقديم السنة اللى جاية مش المرة دى 
  - 4 مصرى الجنسية

طب هى المنحة دى هتضيفلى ايه ؟؟
ايه اهميتها بالنسبة لى :
المنحة دى كلها مميزات

-1 افضل منحة فى مصر

-2 بيتصرف عليك مبالغ كتييير اوى بلاش نقولها دلوقتى

-3 بتاخد مرتب اثناء فترة الدراسة بالكامل
لو تقديرك التراكمى جيد هتاخد 800
لو جيد جدا 1000
لو امتياز 1400
يعنى بتتعلم وكمان بتاخد مرتب

نيجى للميزة الرابعة 
مكانة علمية مرتفعة يعنى هتتعلم منها كتييير اوى ومش هتلاقيه فى اى مكان برة
وكمان فى اقسام مفيش خريجين منها الا ITI فقط ومفيش اى مكان فى مصر بيطلع الناس دى

نيجى للميزة الخامسة واهم ميزة فيهم كلهم

الاى تى اى مش مجرد منحة او كورس لا دى دبلومة يعنى دراسات عليا
يعنى لو حبيت تكمل ماجستير الاى تى اى بتأهلك انك تكمل ماجستير فى جامعة نوتينجهام انجلترا أو بادربون المانيا بالنسبة لقسم ميكاترونيكس 


بالنسبة لمكان الدراسة ففى 4 مقرات للمنحة 
بس مش كل التخصصات متوفرة فى الفروع كلها 
 
يعنى فى تخصصات فى فرع ومش موجودة فى التانى وكدا 
http://www.iti.gov.eg/ITIPortal/Admission/WebSite/AdmissionAnnouncement.aspx.aspx


المركز الرئيسى : القرية الذكية - طريق مصر اسكندرية الصحراوى ويتم توفير مواصلات من والى المعهد مجانا للطلبة متجه الى معظم الاماكن فى القاهرة 
مركز فرعى فى القاهرة : شيراتون المطار

فرع الاسكندرية 
فرع المنصورة 
فرع اسيوط


طيب بالنسبة لشهادة التوفل هقدمها امتى:
دى متشغلش بالك بيها دلوقتى ركز فى نجاح واجتياز الاختبارات والمقابلات الشخصية وان شاء الله بعد القبول تقدر تقدمها خلال فترة الدراسة
The Test of English as a Foreign Language (TOEFL) measures the ability of non-native speakers of English to use and understand North American English as it is spoken, written and heard in college and university settings.

If you need to take TOEFL Exam for a Scholarship or Post Graduate studies INSIDE EGYPT

There are many centers or places which do it 

Like AMEDEAST - AUC 

But 
AUC is the best for local TOEFL 
It costs around 135 L.E for exam

This link will help you in AUC LOCAL TOEFL
ARCO local TOEFL
 
 اللينك دة هتلاقى فيه تفاصيل الدراسة وشروط كل قسم
http://www.iti.gov.eg/ITIP​ortal/Admission/WebSite/Ad​missionAnnouncement.aspx 
 
ولو عايز تفاصيل اكتر عن اقسام الدراسة
ITI tracks:
http://www.iti.gov.eg/newi​ti/trainingprograms/Tracks​/TrackList.aspx


طب ازاى اقدم
التقديم على الموقع دة كل سنة بدأ من يوم 22/7 حتى يوم 12/9 

 
 
بعد كدة هتروح تقدم ورقك فى فرع القريه الذكيه بالمعادي طريق الأوتوستراد المعادي مبني الوزاره الدور الاولى
دة بالنسبة لقاهرة 
اما باقى الفروع كل فى عنوانه 


هتطلع وتقدم ورقك وساعتها هتاخد بميعاد الاختبارات وبيبقى بعد تقديم الورق بحوالى 3 او 4 ايام فى حالة التقديم فى بداية التقديم مش فى الاخر لانك فى الاخر بتتضغط وبيبقى الامتحان ممكن بعد التقديم بيوم 

الاوراق المطلوبة هى 
صورة البطاقة او الباسبور 
صورتين شخصيتين 
صورة شهادة التخرج او بيان نجاح او النتيجة مطبوعة مذكور فيها التقدير التراكمى 
صورة موقف التجنيد بالنسبة للصبيان 
شهادة التوفل ان وجدت 


طيب ايه هى اختبارات القبول وازاى نجهز نفسنا ليها 
فى اختبارين IQ – English 

طيب نجهز نفسينا ازاى عشان ننجح ونعدى من الاختبارات :
دة من خلال كذا طريق


نذاكر الماتريال الخاصة بالاى كيو والانجليش ومهارات الانترفيو اللى مرفوعة على اللينك دة 

http://www.mediafire.com/?​b7y43j77w4nbo8n

ودى عبارة عن الاساسيات واهم الحاجات اللى لازم تعرفوها وممكن تذاكروا من اى ماتريال اخرى بس اللينك السابق دة هو اهم شئ 


اللينكات دى اكيد هتفيدك 
http://www.d-math.com
    
 
http://www.4shared.com/get​/t9w1R0Nk/Book_of_IQ_Tests.html


بعد الاختبارات بتجيلك النتيجة على الاكونت اللى عملته فى بدايه التقديم على موقع الاى تى اى 

ان شاء الله تنجح فى الاختبارات وتخش المرحلة اللى بعدها 

المقابلات الشخصية هتبقى ازاى واجهزلها ازاى 
فى الاساس انت هتعمل اتنين انترفيو:

1
مقابلة شخصية بالانجليزى ودى هدفها معرفة شخصيتك وتفكيرك ومستوى الانجليزى بتاعك

2
والمقابلة دى بتكون بالعربى ممكن تكون واحدة او اتنين او 3 مقابلات وبيسألك فيها عن معرفتك فى التخصص اللى هتقدم عليه (يعنى هدفها يعرف مستواك فى التخصص اللى هتقدم فيه ومدى معرفتك ودرايتك بيه) 

بص انت ليك الحق انك تقدم فى 3 رغبات وتعمل انترفيو فى التلاتة واللى هتثبت نفسك فيها هتخشها وممكن تعمل فى رغبتين بس وممكن واحدة 
يعنى انا مثلا كنت كاتب رغبة واحدة لانى مكنتش عايز اخش اى تخصص تانى غيره وهنا عملت انترفيو واحدة والحمد لله ركزت فيها ونجحت ودخلتها 
فنصيحتى ليك انك تختار التخصص اللى بتميل ليه وبتحبه وتركز فيه ومتشتتش نفسك 

 
بعد كدة النتيجة بتظهر على موقع الاى تى اى 
 
  
على آخر اسبوع فى شهر 9 

وبعدها الدراسة بتبدأ على بداية اكتوبر 

 
ارقام قسم شوؤن الطلاب 
02-35355609

ربنا يوفقكم يا رب